PRODUKTO SA YOUNG FARMERS GIBIDA SA WORLD FOOD EXPO | Sa pag abli sa pinakadako nga food trade event sa nasud karong tuiga, mipartisipar ang Agribusiness and Marketing Assistance Division (AMAD) sa Department of Agriculture (DA) Caraga sa World Food Expo (WOFEX) diin nagsugod karong adlawa, Agosto 6 hangtud 9 sa World Trade Center, Pasay City.
Ang rehiyon nag display sa gipasigarbong mga value-added products gikan sa mga Young Farmers Challenge (YFC) awardees sama na lamang sa vinegar, chili oil, chili powder, ug hot sauce ubos sa Fiery Food Products. Aduna usab Robusta ug Arabica Coffee nga fine grind, drip coffee, whole beans, ug medium dark roast gikan sa Francis Berachah Integrated Farm.
Ang WOFEX usa ka epektibong trade show alang sa pagkaon ug ilimnon. Giila kining usa ka maayong tagbuanan alang sa mga negosyante, propesyonal sa industriya ug mga mamalitay gikan sa nasud ug laing nasud.
Pinaagi niini nga expo, gilaoman nga ang mga exhibitors sa YFC sa rehiyon makamugna og kutay ngadto sa mga potential buyers.
0 comments